Conozmos
Porque somos muncho de faer les coses al otru andar.
Porque vemos el mundu colos güeyos d’esta tierra y porque queremos vistir cola ropa que mos sal de dientro.
Así ñaz (m), ropa d’Asturies, comprometida cola ética llaboral y col territoriu.
¿Qué ye (m)?
ye la gana que tenemos de faer ropa cola que mos afayemos.
ye ponemos d’acuerdu en gastar ropa que nun vien de la esplotación llaboral.
ye vistir y trabayar con ropa ecolóxico, orgánico, sostenible…
ye valorar el territoriu asturianu y les persones que vivimos nél.
ye falar de lo que somos.
ye compromisu col mediu rural.
¿Cómo vamos trabayar?
Asitiámonos al pie’l cordal de Peñamayor y apostamos pola actividá nel mediu rural asturianu. Sabemos que trabayar equí contribúi a diversificar la economía local, asentar y remocicar la población.
Trabayar nel mediu rural ye un compromisu venceyáu col respetu y proteición del territoriu. Por eso trabayamos con productos y materiales que cumplen colos requisitos medioambientales, ecolóxicos y llaborales esixíos.
De la mesma manera, trabayamos con productos llibres de cualesquier esplotación o esperimentación con animales, y nun usamon plástico na producción, gastamos papel y cartón reciclao.
El nuesu compromisu col territoriu ta venceyáu enteramente cola cultura asturiana. Polo que la llingua vehicular ye la de nueso.
Trabayamos con persones de la contorna pa tol llabor que seya preciso: costura, empaquetaos, unvíos…
Queremos faer un productu distintu, que nun vos dexe indiferentes y que valore la tierra y la xente de nueso.
